I am happy to be one of your friends, and Please let me know when you added me my site, I will do the same, thanks
Monday, April 9, 2012
មហាសង្ក្រាន្តឆ្នាំរោង ចត្វាស័ក ទេព ធីតា ព្រះនាម កិមិរាទេវី សោយ ចេកណាំវ៉ា-ចេកទឹក
ភ្នំពេញ: ព្រះពុទ្ធសករាជ ព្រះសាសនាអតិក្កន្ដាកន្លងទៅហើយបាន ២៥៥៥ ត្រឹមថ្ងៃ ១៥ កើត ខែពិសាខ លុះដល់ថ្ងៃ ១ រោច ខែពិសាខ ឆ្នាំរោង ចត្វាស័កតទៅ ចូលពុទ្ធសករាជ ២៥៥៦។
ឆ្នាំនេះ ឆ្នាំរោង សង្ក្រាន្ត នឹងចូលមកនៅថ្ងៃសុក្រ ៧ រោច ខែចេត្រ ត្រូវនឹង ថ្ងៃទី១៣ ខែមេសា គ.ស ២០១២ វេលាម៉ោង ១៩ និង ១១ នាទីល្ងាច។ មានទេពធីតាមួយព្រះអង្គ ជាមគ្គនាយិកា ព្រះនាម កិមិរាទេវី ជាបុត្រីទី៦ នៃកបិលមហាព្រហ្ម គង់នៅចាតុម្មហារាជិកា ទ្រង់អម្ពរពណ៌ សេត លម្អ នៅព្រះកាណ៌ដោយសៀត ផ្កាចង្កុលណី អភរណទ្រង់ពាក់ កែវបុស្សរាគ័ម ភក្សាហារទ្រង់សោយ ចេកណាំវ៉ា-ចេកទឹក ព្រះហស្ដស្ដាំ ទ្រង់ព្រះខ័ន ព្រះហស្ដឆ្វេងទ្រង់ពិណ្យទ្រង់ផ្ទំ បើកព្រះនេត្រ លើខ្នង មហឹង្សា (សត្វក្របី) ជាពាហនៈ។
ទើបនាំអស់ទេវបុត្រ ទេវធីតាទាំងមួយសែនកោដិហោះ ទៅកាន់ គុហាកែវធម្មមាលី នាទីភ្នំកៃលាសខេត្តហិមពាន្ត ជាទីតម្កល់នូវព្រះសិរសា កបិលមហាព្រហ្ម ដែលតម្កល់លើពានមាស នាំមកដង្ហែប្រទក្សិណភ្នំព្រះសុមេរុរាជ តាមផ្លូវព្រះអាទិត្យចរចំនួន ៦០ នាទី។
ទើបនាំយកទៅតម្កល់ទុកកន្លែងដើមវិញ ហើយប្រជុំទេវបុត្រ ទេវធីតា ទាំងមួយសែនកោដិចូលទៅស្រង់ទឹក អនោតត្តមហាស្រះ ដែលមានទឹកហូរ ចេញពីបំពង់ ថ្មកែវ ដែលជាមាត់គោ ឧសភរាជ ទាំង ៧ ត្រជាក់ក្សេមក្សាន្ដព្រះរាជហឬទ័យហើយនាំគ្នាចូលទៅសមាទាន រក្សាសីល ដោយសោមនស្ស រីករាយ គ្រប់ព្រះអង្គ ក្នុងភគវតីសភាសាលា ដែលវិស្សកម្មទេវបុត្រនិមិត្តថ្វាយ ដើម្បីបន្ទោងបង់អពមង្គលឱ្យជ្រះស្រឡះ ហើយចម្រើននូវសិរីសួស្ដី ជ័យមង្គល ជន្មាយុយឺនយូរ ដល់ទេវតា និងមនុស្សសត្វផងទាំងឡាយ តាំងពីឆ្នាំថ្មីចូលមកនេះ បានធូរទូលំទូលាយ សុខក្សេមក្សាន្ដ តរៀងទៅ។
ថ្ងៃសុក្រ ៧ រោច ខែចេត្រ ត្រូវនឹងថ្ងៃទី១៣ ខែមេសា គ្រឹស្ដសករាជ ២០១២ វេលាម៉ោង ១៩ និង ១១ នាទីល្ងាច ជាថ្ងៃចូលឆ្នាំ រោង ចត្វាស័ក។
ថ្ងៃសៅរ៍ ៨ រោច ខែចេត្រ ត្រូវនឹងថ្ងៃទី១៤ ខែមេសា គ្រឹស្ដសករាជ ២០១២ ជាវរៈវ័នបត។
ថ្ងៃអាទិត្យ ៩ រោច ខែចេត្រ ត្រូវនឹងថ្ងៃទី១៥ ខែមេសា គ្រឹស្ដសករាជ ២០១២ វេលាម៉ោង ១១ និង ៤៣ នាទី ៤៨ វិនាទីយប់ ជាវរៈឡើងស័ក គម្រប់មហាសង្ក្រាន្ដ បីថ្ងៃ ស្រេចបរិបូណ៍ ចូលជាសកល ឆ្នាំ រោង ចត្វាស័ក ពុទ្ធសករាជ ២៥៥៦៕
0 comments:
Post a Comment